اسلام آباد: ویزا کے بغیر پاکستان پہنچنے والی امریکی خاتون سونیا سیتا پاریز کو واپس امریکا ڈیپورٹ کردیا گیا۔وفاقی تحقیقاتی ادارے (ایف آئی اے) کے مطابق امریکی خاتون قطر ایئر لائن سے اسلام آباد ایئرپورٹ پہنچی تھیں اور ان کے پاس پاکستان کا ویزا نہیں تھا۔امیگریشن حکام نے سونیا سیتا پاریز کو اسی پروازے کے ذریعے واپس امریکا ڈیپورٹ کردیا۔یاد رہے کہ جون 2016 میں بھی کرسٹائل نکول نامی امریکی خاتون کو امیگریشن حکام نے ویزا نا ہونے پر اسلام آباد کے بے نظیر بھٹو ایئرپورٹ سے ڈیپورٹ کیا تھا۔
