روپے کی بے قدری قابو سے باہر: انٹربینک میں ڈالر 164 روپے 50 پیسے کا ہوگیا

کراچی: انٹر بینک میں کاروبار کے دوران روپے کی بے قدری کا سلسلہ جاری ہے اور ڈالر کی قیمت میں مزید 2 روپے 34 پیسے کا اضافہ ہوگیا۔

کاروبار کے آغاز کے دوران انٹر بینک میں ایک ڈالر 164 روپے 50 پیسے کا ہوگیا، گزشتہ روز بھی کاروبار کے اختتام پر انٹر بینک میں ڈالر 5 روپے 18 پیسے مہنگا ہوا اور 162.16 روپے پر بند ہوا تھا۔

اسی طرح اوپن مارکیٹ میں ڈالر 50 پیسے مہنگا ہو کر 163.50 روپے کا ہوگیا۔