کراچی میں کورونا کے مثبت کیسز کی شرح میں اچانک اضافہ ہوگیا اور شرح تقریباً 22 فیصد پر آگئی۔
محکمہ صحت کے مطابق کراچی میں گزشتہ روز کورونا کے مثبت کیسز کی شرح 16 فیصد تھی جو گزشتہ 24 گھنٹوں کے دوران 21.89 فیصد تک جا پہنچی ہے۔
محکمہ صحت کا بتانا ہےکہ گزشتہ 24 گھنٹوں میں کراچی میں 4134 افراد کے ٹیسٹ کیے گئے جن میں سے 905 افراد میں وائرس کی تشخیص ہوئی۔
The rise in covid positive cases is of great concern. Karachi is in a critical situation & unless everyone follows & implements SOPs, strict administrative action will be taken to control the increase in infection rates. Please vaccinate & encourage others to as well #SindhHealth pic.twitter.com/XItsgA3k6n
— Health, SW, PHE & RD Department, Sindh (@SindhHealthDpt) May 20, 2021
محکمہ صحت کے مطابق حیدرآباد میں گزشتہ 24 گھنٹوں میں مثبت کیسز کی شرح تقریباً 16 فیصد ریکارڈ کی گئی جب کہ سندھ کےدیگر اضلاع میں شرح تقریباً 4 فیصد اور صوبے بھر میں 10.66 فیصد ریکارڈ کی گئی۔
