فیروزوالہ میں کار پر نامعلوم افراد کی فائرنگ سے ایک ہی خاندان کے 4 افراد جاں بحق ہو گئے۔
فیروزوالہ کے علاقے لبان والا میں کار سوار خاندان منزل کی جانب رواں دواں تھا کہ نامعلوم افراد نے اندھا دھند فائرنگ کر دی جس پر کار میں سوار دو بچیاں اور میاں بیوی جاں بحق ہو گئے،اطلاع ملتے ہی پولیس اور ریسکیو اہلکار موقع پر پہنچ گئے۔
ریسکیو ذرائع کے مطابق مرنے والوں کی تاحال شناخت نہ ہوسکی ، لاشوں کو قریبی ہسپتال منتقل کر دیا گیا۔
شیخوپورہ۔تھانہ فیروزوالا کے علاقہ مرل پار میں نامعلوم مسلح افراد کی کار پر فاٸرنگ چار افراد دم توڑ گیے پولیس
جاں بحق ہونے والوں میں میاں بیوی اور ان کے دو بچے شامل ہیں پولیس
واقعہ دشمنی کا شاخسانہ لگتا ہے ڈی پی او
جاں بحق ہونیوالے باٹا پور لاہور کے رہاٸشی تھے پولیس pic.twitter.com/J2UivCDk7a— Islam Ghazi (@IslamGhazi9) November 24, 2021
لبان والا میں نامعلوم افراد کی کار پر فائرنگ سے چار افراد جاں بحق ہوگئے۔
ایکسپریس نیوز کے مطابق شیخوپورہ کی تحصیل فیروزوالہ کے علاقے لبان والا میں نامعلوم افراد نے کار پر فائرنگ کردی، جس کے نتیجے میں کار میں سوار تمام 4 افراد جاں بحق ہوگئے۔
پولیس حکام کے مطابق جاں بحق ہونے والوں کا تعلق ایک ہی خاندان سے ہے، اور مرنے والوں میں دو بچیوں سمیت میاں بیوی شامل ہیں، تاہم ابھی تک ان کے ناموں کی شناخت نہ ہوسکی۔
حکام کا کہنا ہے کہ واقعے کی اطلاع ملتے ہی پولیس اور ریسکیو کی ٹیمیں جائے وقوعہ پر پہنچ گئیں اور لاشوں کو اسپتال منتقل کردیا گیا، تاہم ابھی تک یہ واضح نہیں ہوسکا کہ فائرنگ کا واقعہ ذاتی دشمنی کا شاخسانہ ہے، یا کوئی ڈکیتی مزاحمت کے باعث واقعہ پیش آیا۔ جائے وقوعہ سے شواہد اکٹھے کرلئے گئےہیں اور قریبی سی سی ٹی وی فوٹیج کے ذریعے تحقیقات کی جائیں گی اور واقعے میں ملوث ملزمان کو قانون کے کٹہرے میں کھڑا کیا جائے گا۔
دوسری جانب آئی جی پنجاب راؤ سردار علی خان نے فیروز والہ میں گاڑی پر فائرنگ سے چار افراد کی ہلاکت کے واقعہ کا نوٹس لیتے ہوئے آر پی او شیخوپورہ سے واقعہ کی رپورٹ طلب کرلی ہے، اور ڈی پی او شیخوپورہ کو فوری موقع پر پہنچنے کی ہدایت کی ہے۔ آئی جی نے ملزمان کو جلد از جلد گرفتار کرکے سخت قانونی کاروائی کا حکم دیتے ہوئے کہا کہ متاثرہ فیملی کو انصاف کی فراہمی ترجیحی بنیادوں پر یقینی بنائی جائے۔
فیروزوالا: جاں بحق افراد میں میاں بیوی اور 2 بچیاں شامل، پولیس
جاں بحق افراد کا تعلق ایک ہی خاندان سے تھا، پولیس
فیروزوالا: لبان والا میں گاڑی پر فائرنگ،4 افراد جاں بحق#DunyaUpdates #RoznamaDunya
— Roznama Dunya (@roznamadunya) November 24, 2021
