ایڈمنسٹریٹر میونسپل کارپوریشن خواجہ اعظم رسول کا شہر کے مختلف بازاروں کا دورہ

12ربیع الااول جشن ولادت نبی ۖ کی مرکزی ریلی کے راستوں کی صفائی وستھرائی کے جاری کا م کا جائزہ
شعبہ صفائی بلدیہ کے سٹاف کو کام مزید تیز کرنے کی ہدایت

ایڈمنسٹریٹر میونسپل کارپوریشن خواجہ اعظم رسول کا شہر کے مختلف بازاروں کا دورہ،12ربیع الااول جشن ولادت نبی ۖ کی مرکزی ریلی کے راستوں کی صفائی وستھرائی کے جاری کا م کا جائزہ ،شعبہ صفائی بلدیہ کے سٹاف کو کام مزید تیز کرنے کی ہدایت،تاجروں سے ملاقاتیں کر کے ان سے آراء و تجاویز لیں ایڈمنسٹریٹر میونسپل کارپوریشن  کے ہمراہ چیف آفیسر سید مقصود کاظمی ،شکیل گیلانی ،ن لیگ یوتھ ونگ سٹی کے صدر ارم قریشی بھی تھے اس موقع پر ایڈمنسٹریٹر میونسپل کارپوریشن خواجہ اعظم رسول نے تاجروں اور شہر یو ں سے گفتگو کرتے ہوئے کہا کہ بیشک پیارے کریم آقا ۖکی آمد صرف نعمت ہی نہیں باعث تخلیق کائنات   ہے ،آپ ۖ کی ولادت سے گلشن انسانیت میں بہار آگئی، آپ ۖ کی تشریف آوری خودد بہار کے لئے بہار بن گئی ، آپ ۖ نے انسانیت کو شرف آدمیت سے آگاہ کیاعظمت آدمیت پر ذلت و پستی کی تہہ جم چکی تھی آپ ۖ نے پھر سے اسے بلندیوں سے ہمکنار فرمایا آپ صرف انسانوں کے لئے رحمت بن کر نہیں آئے بلکہ زمین و آسمان کی ہر چیز نے آپکی رحمت عامہ کے سمندر سے جی بھر کر پیاہم ہر سال آپ ۖ کا جشن ولادت نہایت ہی اداب واحترام اور پورے مذہبی جوش وجذبہ سے منائیں ، زبانوں پر شکرانے کے ترانے ہوں ، دلوں کی زمین پر محبت کے پھول کھلیں بدن سراپا اطاعت بندگی ہو ، آپۖ کے بار گاہ اقدس میں درود و سلام کے نذرانے پیش کریں