جموں و کشمیر کا اپنا جھنڈا بھی ختم ہندوستان پرچم کی توہین جرم

نئی دہلی بھارتی آئین کے آرٹیکل 370 کے خاتمے سے بھارتی قوانیں کا دائرہ کار اب مقبوضہ ریاست میں بھی ہوگا۔جموں و کشمیر کا جھنڈا بھی ختم ہو جائے گا۔ نجی ٹی وی رپورٹ کے مطابق جموں و کشمیر کے مہاراجا ہری سنگھ نے اس وقت کے بھارتی وزیر اعظم جواہر لال نہرو سے جموں و کشمیر کے سیاسی تعلقات کو لے کر بات چیت کی تھی ۔ اس میٹنگ کے نتیجہ میں بھارتی آئین کے اندر آرٹیکل 370 شامل کیا گیا ۔ آرٹیکل 370 جموں و کشمیر کو خصوصی اختیار دیتا ہے ۔ اس آرٹیکل کے مطابق ہندوستان پارلیمنٹ جموں و کشمیر کے معاملہ میں صرف تین شعبوں دفاع ، خارجی معاملات اور ٹیلی مواصلات کیلئے قانون بناسکتی ہے ۔ اس کے علاوہ کسی قانون کو نافذ کروانے کیلئے بھارتی حکومت کو ریاستی حکومت کی منظوری چاہئے ۔ 1956 میں جموں و کشمیر کا الگ آئین بنا ۔
نجی ٹی وی کے مطابق جموں کشمیر میں آرٹیکل 370 نافذ ہونے کے بعد یہ چیزیں بدل گئیں ۔
جموں و کشمیر کے شہریوں کے پاس دوہری شہریت ہوتی ہے ۔
جموں و کشمیر کی کوئی خاتون اگر ہندوستان کی کسی دیگر ریاست کے شخص سے شادی کرلے ، تو اس خاتون کی جموں وکشمیر کی شہریت ختم ہوجائے گی ۔
اگر کوئی کشمیری خاتون پاکستان کے کسی شخص سے شادی کرتی ہے تو اس کے شوہر کو بھی جموں و کشمیر کی شہریت مل جاتی ہے ۔
آرٹیکل 370 کی وجہ سے کشمیر میں رہنے والے پاکستانیوں کو بھی ہندوستانی شہریت مل جاتی ہے ۔
جموں و کشمیر میں ہندوستان کے ترنگے یا قومی علامتوں کی بے حرمتی جرم نہیں ہے ۔ یہاں ہندوستان کی سب سے عدالت کا حکم قابل قبول نہیں ہوتا ۔
جموں و کشمیر کا جھنڈا الگ ہوتا ہے ۔
جموں و کشمیر میں باہر کے لوگ زمیں نہیں خرید سکتے ہیں ۔
کشمیر میں اقلیتی ہندووں اور سکھوں کو 16 فیصدی ریزرویشن نہیں ملتا ہے ۔
آرٹیکل 370 کی وجہ سے جموں و کشمیر میں آر ٹی آئی نافذ نہیں ہوتا ۔
جموں و کشمیر میں آر ٹی آئی نافذ نہیں ہوتا ۔
جموں و کشمیر میں خواتین پر شریعت کا قانون نافذ ہوتا ہے ۔
جموں و کشمیر میں پنچایت کے پاس کوئی اختیار نہیں ہے ۔
جموں و کشمیر کی اسمبلی کی مدت کار چھ سال ہوتی ہے جبکہ ہندوستان کے دیگر ریاستوں کی اسمبلیوں کی مدت کار پانچ سال ہوتی ہے ۔
ہندوستان کی پارلیمنٹ جموں و کشمیر کے سلسلہ میں بہت ہی محدود دائرے میں قانون بنا سکتی ہے ۔
جموں و کشمیر میں کام کرنے والے چپراسی کو آج بھی ڈھائی ہزار روپے ہی بطور تنخواہ ملتی ہے ۔