وزیر اعلی پنجاب کے معاون خصوصی و تحریک انصاف کے سینئر رہنما سردار تنویر الیاس کے حلقہ ایل اے 15 وسطی باغ اور پونچھ 5 سے کاغذات نامزدگی منظور جبکہ صغیر چغتائی کی بیوہ محترمہ شاہدہ صغیر کے بھی ایل اے 22 پونچھ پانچ سے کاغذات نامزدگی بھی منظور کر لیے گئے۔
شاہدہ صغیر کے کاغذات نامزدگی کے موقع پر ان کے تجویز کنندہ سردار امتیاز خان ، وکیل شبریز خان ، پی ٹی آئی پونچھ کے جنرل سیکرٹری خالد ابراہیم ، سردار مقصود چغتائی موجود تھے ۔
اسی طرح حلقہ وسطی باغ سے سردار تنویر الیاس کے کاغذات نامزدگی کی جانچ پڑتال کے دوران ان کے تجویز کنندہ سردار افتخار رشید چغتائی اور تائید کنندہ راجہ شفاعت موجود تھے۔
سردار افتخار رشید کا کہنا ہے کہ تنویر الیاس نے پی ٹی آئی آزاد کشمیر کو مضبوط قوت بنا دیا ، تنویر الیاس کے حلقہ وسطی باغ کے الیکشن لڑنے کے فیصلے کو اپنی خوش قسمتی سمجھتے ہیں۔
حلقہ وسطی باغ سے سردار تنویر الیاس کو بھاری اکثریت سے کامیاب بنائیں گے۔
انہوں نے کہا کہ آزاد کشمیر کے عوام تنویر الیاس کو اپنا مسیحا سمجھتے ہیں، 25 جولائی کا سورج وسطی باغ سمیت آزاد کشمیر بھر سے تحریک انصاف کی کامیابی کی نوید لیکر طلوع ہو گا۔
شہزاد خان معروف ریڈیو براڈ کاسٹر اور باغ آزاد کشمیر میں ڈیلی کشمیر لنک ڈاٹ کام کے نامہ نگار ہیں۔
