بیرسٹرسلطان آج 2روزہ دورے پرنیلم پہنچیں گے،تیاریاں مکمل
صدر ریاست آٹھ مقام پہنچنے پر پارٹی کارکنان سے دن 12 بجے خطاب بھی کریں گے
صدر آزاد جموں و کشمیر بیرسٹر سلطان محمود چودھری آج بروز پیر 22 نومبر 2روزہ دورے پر وادی نیلم پہنچیں گے۔
پروگرام کے مطابق وہ اٹھمقام پہنچیں گے تو انکا شاندار استقبال کیا جائے گا۔ تمام تر تیاریاں مکمل کر لی گئی ہیں۔ صدر آزاد جموں و کشمیر بیرسلطان محمود چوہدری صدر کا عہدہ سنبھالنے کے بعد پہلی مرتبہ وادی نیلم کا دورہ کر رہے ہیں۔ صدر ریاست اٹھمقام پہنچنے پر پارٹی کارکنان سے دن 12 بجے خطاب بھی کریں گے۔
مختلف محکمہ جات محکمانہ کارکردگی کے حوالے سے صدر ریاست کو بریفنگ دیں گے۔ جاگراں پائیڈرو پاور پراجیکٹ فیز 2 کے حوالے سے بھی بریفنگ دی جائے گی یہ پراجیکٹ سست روی کا شکار رہا ہے جس کی کارکردگی کو بہتر بنانے کے لیے موقع پر ہی احکامات جاری کریں گے۔
